Jam 1 | ENQ | STEP | Namba Jemesa Gotepa Kamongo Jisasa Kataisapanya kendemane dokome nyakama endakali tata kingi ita mende-kisa dee lapoma yuu wakale wakale kalyamino dutupanya pepa dake pyao peekelyo. Nyakama auu pyoo kalyepape lelyo.

a1:1Mt 13:55; Mk 6:3; Jo 7:35; Ap 12:17, 15:13, 26:7; Ga 1:19; 1 Pi 1:1

b1:2Mt 5:11; 1 Pi 4:13-14

c1:2-4Lo 5:3-5

d1:3Ip 12:11; 1 Pi 1:6-7

e1:4Mt 5:48; Lo 5:3-5

f1:51 Kiŋ 3:7-9; Pot 2:3-6

g1:6Ais 57:20; Mt 7:7, 21:21; Mk 11:24

h1:9Je 2:5

i1:9-10Jet 9:22-23

j1:10-11Ais 40:6-7; 1 Pi 1:24

k1:12Dan 12:12; Lo 8:28; 1 Ko 9:25; 2 Ti 4:8

l1:13Pot 19:3; 1 Ko 10:13

m1:14Lo 7:7-10,23

n1:15Lo 5:12, 6:23

o1:17Mt 7:11; Jo 3:3,27, 8:12; 1 Jo 1:5

p1:18Jo 1:12-13; 1 Pi 1:23; Pa 14:4

q1:19Pot 10:19, 14:17; Ekl 7:9

r1:20Mt 5:22

s1:21Jo 3:11; Ga 5:19; Kl 3:8

t1:22Mt 7:24-27; Lu 8:21; Lo 2:13; 1 Jo 3:17

u1:25Wee 19:7; Mt 5:17; Jo 13:17; Lo 7:12, 8:2; Je 2:12

v1:26Wee 34:13, 141:3; Je 3:2-12

w1:27Eke 22:22

James 1

1 Namba ^a Jemesa Gotepa Kamongo Jisasa Kataisapanya kendemane dokome nyakama endakali tata kingi ita mende-kisa dee lapoma yuu wakale wakale kalyamino dutupanya pepa dake pyao peekelyo. Nyakama auu pyoo kalyepape lelyo.

Nyakama mona yaepao kalyepape leamo doko

2 Nambanya ^{b
,} ^c kaimia paluma, nyakama-kisa makande pingi tata tata dupame andinyala ipatamo dokopa nyakamame mona yaepapenge ikina lao masalapape. 3 Doko, ^d nyakamame Gote lao masoo minilyamino doko endakalimi makande pilyamino dokome nyakama kyoto joo kalyamanona lao masilyamino. 4 Nyakama ^e masoo miningi dokonya koyala nayao wambu pyoo katamana latala, Gotenya mendeme daa jala naena lao kyoto joo kalyakao katapenge. 5 Nyakamanya ^f mende masepae daa jia kandeno dokome Gote-kisa tee lapenge. Dokopa dupa pitaka daa lao nawe laa nayao endakali pitaka maingi Gote dokome emba dita. 6 Endakali ^g dokome mona lapo palyala nayao Goteme kini dyaamona lao masoo tee lapenge. Endakali mona lapoma palenge doko poo lelyamo dokome yawale mange nyoo yangi puu puu pingi dopale joo kalyamo. 7 Endakali dopale dokome opale mende Kamongo dokome dyaamo lao masala nayapenge. 8 Doko, baa mona lapo paliuu katao baanya kalai pilyamo dupa pitaka pyaakao napingi.

Tipya mendepa kamongo mendepanya leamo doko

9 Nyakamanya ^{h
,} ⁱ kaiminingi tipya mende baa Goteme minalyilyamo doko masetala baa eteke kayao katapenge. 10 Dee ^j kamongo mende Goteme tipya injisilyamo doko masetala baa eteke kayao katapengeaka. Kamongo dupa tanu dii alu pingili pyoo alu pitami. 11 Niki doko pyakaetala ipao popo pilyamopa tanu dupa sapupala dii dupa isa kopo lenge. Dokopa dupanya dii auu petae kalyamo doko alu pingili pyoo endakali dokome baanya mana miningi dupa minao katao alu pita.

Makande pingi dokonya leamo doko

12 Makande ^k pingi dupame minao makande pilyaminopa kyoto joo katenge endakali doko baa mona yaepasetae katenge. Doko, makande pingi dupa ita minilyamo endakali dokome lete etete katenge doko yole joo nyeta. Goteme baa auu kaelyamino endakali dupa maitona leamo doko dokona nyeta. 13 Makande ^l pingi dupame endakali mende minao makande pitamopa, Goteme namba makande pilyamona laa nayapenge. Doko, Goteme endakali mende makande napingi. Dee koo mendeme kapa pao Gote makande napingiaka. 14 Endakali ^m mendai mendai lao tangenya nyipu laka lao masingi dokome baa andiki pyoo pyalya lao nyoo makande pingi. 15 Dee ⁿ nyipu laka lao masingi dokome koo doko mandelyamopa, koo doko andapala dokome kumingi doko mandenge.

Naima Gotenya wapupae dupana leamo doko

16 Nambanya mona setenge kaimia paluma, mendeme nyakama minakasina lao nakalyepape. 17 Opale ^o epe dupa pitakapi etete auu pipae dupa pitakapi dupa kaitinya-kaita epenge. Dupa pitaka kaitinya tii pingi dupanya Takange dokome isa pyandenge. Takange doko kapilyoo tii peta iminjeta napingi. 18 Baame ^p wapuiyamo dupanya naima mupa joo katatamina lao baa tangeme masiamoli pyoo kiningi pii dokome naima wapuiya.

Naimame pii sepala watao minapenge

19 Nambanya ^q mona setenge kaimia paluma, nyakamame dake masalapape: endakali pitakame pii salanya yapa depa lapenge. Kambumi pii yapa laa nayao, yapa imbu nakayao pipenge. 20 Doko, ^r endakali mendeme mende imbu kayao pituu Gotenya mana epe tolatae dupa naminingi. 21 Dopana, ^s nyakamame mana koo dupa pitakapi koo etete longo paka pilyamino dupapi dupa napyoo kayapala kuii lao katao pii lapae Goteme nyakamanya monanya wai pokekeamo doko nyalapape. Pii lapae dokome nyakama pyoo nyilyamo.

22 Nyakamame ^t Gotenya pii doko mee sepala tange minakasala naenya, pii dokome lelyamoli pyoo angi pyepape. 23 Pii doko sepala lelyamoli pyoo pyaa naenge endakali doko akali mendeme baa tangenya lengelyaapi galasanya kandenge dopale joo kalyamo. 24 Doko, baame baa tangenya lengelyaapi kandatala pao pituu, baanya lengelyaapi aipalepe lao dee masala naenya yapa kame singi. 25 Dopaka ^u doko, mana piimi etete auu pipae endakali mokao nyingi doko endakali mendeme sokondape petala doko minao payao pii doko sepala kame sala naenya lelyamoli pyoo pilyamo doko mona yaepasetae katata.

26 Endakali ^v mendeme Gote watao minao kalyona lao masetala baanya keke doko isala nayatamo kandao doko, baame baa tange minakasoo Gote mee ambe watao minao katata. 27 Baame ^w Gote-kisa Takange dokonya enombasa dapa pyoo auu pyoo tolao baa watao minapenge: baame wane muiyenepi enda walyakaepi kenda pipae nyilyamino dupa nisoo katao, yuunya mana koo dupame baa koyasala naena lao wandyuu katao Gote watao minao katapenge.